Menú Marzo

 

Manifestación Ensino de Calidade

Horarios autobuses e máis información: Autobuses - CIG Ensino

Obradoiro: Hábitos de vida Saudables

 Boas tardes familias!! 

O día venres 20 de febreiro os nenos de 3º, 4º, 5º e 6º de Ed. Primaria terán unha charla sobre:

"Saúde Emocional e Hábitos de Vida Saudables na Escola"

Esta charla está promovida por FAPACEL, o seu obxectivo é promover o benestar emocional e os hábitos de vida saudables entre o mediante intervencións educativas, vai estar liderada por Martín González Folgueira, profesional de enfermería.

E con ela pretendese:

 - Favorecer a identificación e expresión adecuada das emocións.

 - Fomentar a autoestima, a empatía e as habilidades sociais.

 - Sensibilizar sobre a importancia do soño, a alimentación equilibrada, a  actividade física e o uso responsable das pantallas.

 - Previr condutas de risco desde idades temperás.

Semana de Entroido

 Boas tardes, mandamos o mandato do meco, que este ano ten como temática O mar.

Dará comezo o proximo luns 9 de febreiro, e remata o venres 13 co desfile dos nenos/as polas rúas do Concello. 

Esperemos que o tempo acompañe e que os cativos o desfruten moito!! 

Menú Febreiro

 

Xornadas Atención á Diversidade

Dende ANPAS Galegas participamos nestas xornadas para falar da atención á diversidade. 

Sábado 24 de xaneiro de 10.00h a 14.00h e de 16.00h a 20.00h

ALERTA METEOROLOXICA

 Suspensión de clases e transporte escolar na xornada de maña día 23/01/2026 por alerta laranxa. 

Enlace Xunta para máis información: Tablón de alertas meteorológicas | Política Social

Acta da comisión de alertas escolar do día de hoxe 22/01/26: acta-comision-alertas-escolares-22_xaneiro_2026_0.pdf

Protocolo: PROTOCOLO ALERTAS

Aberto Prazo Matrícula

 As familias galegas poderán solicitar praza escolar para o vindeiro curso entre o 1 e o 20 de marzo de 2026. Este prazo serve tanto para o alumnado que entra por primeira vez no sistema educativo como para aqueles que queiran cambiar de centro, sempre que haxa prazas dispoñibles. Antes diso, do 15 de xaneiro ao 4 de febreiro estará aberto o período de reserva de praza para o alumnado que remata etapa e pasa ao seu centro adscrito. As listaxes provisionais de admitidos publicarase o 24 de abril e as definitivas o 15 de maio, e a matrícula formalizarase entre o 20 e o 30 de xuño para Infantil e Primaria, e do 23 de xuño ao 7 de xullo para ESO e Bacharelato.

Máis información: Las familias gallegas podrán solicitar plaza escolar para sus hijos el próximo curso entre el 1 y el 20 de marzo - Xunta de Galicia

Boletín Cultural

 Boletín Cultural Lugo VENRES 16/01 A XOVES 22/01

https://drive.google.com/file/d/1JbsZ0g3Y5otmHVWZwDLts6pe9I2jmHdd/view?usp=drive_link

Guía "Mitos sobre a Igualdade"

Dende a Federación, en coordinación con ANPAS GALEGAS, queremos contarvos que ao longo do ano 2026 se vai elaborar a guía “Mitos sobre a Igualdade”, un recurso pensado para apoiar o traballo que xa realizades cos centros educativos e coas familias.

O obxectivo desta guía é identificar e desmontar algúns dos mitos máis estendidos sobre a igualdade de xénero, que adoitan aparecer nas conversas cotiás, nas redes sociais ou no ámbito educativo, e que ás veces dificultan avanzar cara a unha educación máis xusta e igualitaria.

Para que esta guía sexa realmente útil e conecte coa realidade dos centros, a participación das ANPAS e das familias que a compoñen é fundamental. Queremos que os contidos partan do que vós detectades no día a día.

Por iso, pedímosvos a vosa colaboración para que nos fagades chegar:

·         Frases, comentarios ou ideas sobre a igualdade de xénero que escoitades con frecuencia.

·         Mitos ou orenzas que consideredes importante aclarar ou traballar coas familias ou co alumnado.

Non é necesario elaborar textos longos: calquera achega, por pequena que pareza, é valiosa e axudaranos a construír unha guía próxima e representativa.

O formulario é o seguinte https://forms.gle/o1qyahhoxKHyzPak9. 

Non leva más de 5 minutos responder. O prazo para facer achegas remata o 14 de Febreiro.

Grazas polo voso tempo, pola vosa implicación e polo papel tan importante que desempeñades na promoción da igualdade nas nosas comunidades educativas.

Un saúdo agarimoso,

Charla sobre Convivencia Escolar

O venres día 23 de xaneiro terá lugar o última sesión das formacións impartidas por ANPAS GALEGAS, falarase sobre convivencia escolar, o cal parecenos importante para que se teña a maior información posible sobre o tema, nestes tempos nos que o acoso, bulling, etc están a orde do día. 

CONVIVENCIA ESCOLAR: ORGANIZACIÓN DA CONVIVENCIA NO CENTRO, FORMAS DE PARTICIPACIÓN, INFRACCIÓNS E CONSECUENCIAS DAS MESMAS

 Venres, 23 de xaneiro ás 18:00h

Enlace para inscrición na formación:  https://forms.gle/VgEhzSjfjHUrSTS79

Xornada acompañemento Altas Capacidades

O próximo sábado 21 de marzo de 2026, terá lugar unha nova xornada de acompañamento ás Altas Capacidades, con motivo do seu día internacional, no CPR San José de Lugo. Trátase do evento anual que realiza a Asociación Intelecto. 

O programa é o seguinte:

9:15 a 9:45 horas Acreditación de participantes

9:45 a 10:00 horas Presentación institucional do acto

10:00 a 11:45 horas Altas Capacidades do concepto á práctica: como acompañar dende as aulas e o papel da familia. Olalla Méndez Arias orientadora educativa e especialista en AACC no EOE de Lugo. 

11:45 a 12:15 horas Descanso-café

12:15 a 14:00 horas Dobremente invisibles, dobremente excepcionais: cando a alta capacidade non é visible aos ollos do mundo. María Sánchez Dauder psicopedagoga e especialista en altas capacidades. 

O evento ten un custe de 10 euros para non socios/as en concepto de colaboración coa Asociación.  

As prazas son limitadas, o prazo de inscrición remata o 14 de marzo ou cando se esgoten as prazas. Unha vez enviado o formulario, recibirás un email confirmando a túa praza. 

O enlace da inscrición é o seguinte: 

https://forms.gle/hDZvQduHpz7M2WU46

Menú Xaneiro 2026

 

Felices festas!!

Dende a ANPA do CEIP Xosé Luís Taboada queremos desexar a todas as familias un,

Bo Nadal e un próspero Ano Novo!!.

Que este tempo de celebracións sexa unha oportunidade para compartir, coidar as boas relacións e reforzar valores como o respecto, a convivencia e a colaboración, tan importantes na nosa comunidade educativa.

Desexamos que o 2026 veña cargadiño de momentos felices, de ilusións renovadas e de moitas cousas bonitas por descubrir, sempre camiñando xuntos polo ben das nosas nenas e nenos.

Grazas pola vosa colaboración e confianza ao longo do ano!

Vemonos no segundo trimestre coas pilas recargadas!

Un saúdo, 

A Directiva da ANPA.

Programa Nadal

Programa para este Nadal do Concello de Carballedo:

Este sábado día 20, ás 18.00h, nenos e nenas do cole farán unha representación de teatro, con un pouco de nerviosismo pero con moita ilusión, sobre o verdadeiro significado do Nadal. 

Agardamos que vos guste!!

Radio

Bo día familias!! 

 Compartímos o enlace da cuña de radio que elaboraron, gravaron e locutaron os cativos durante a actividade de Igualdade.

 Coeduca Radio Publicidade: 

https://drive.google.com/file/d/1jD6fAE_RJyKe6J-xmrQZLUKQriIEXZ-6/view?usp=drive_link

Torneo Xadrez

Compartimos o cartel do torneo de xadrez de Nadal dirixido a nenos e nenas, que terá lugar o domingo 14 de decembro a partir das 16 horas no soto da Praza de Abastos. Poden participar  de calquera etapa educativa.

Quen queira participar no torneo deberán realizar a inscrición. No caso de non estar federados/as nalgún equipo, pódese facer gratuítamente enviando DNI ao correo xaquedrum@gmail.com

Formulario de inscrición:  https://forms.gle/Duw6hwc45f37vsHR7

Campamento Dixital

 

Menú Decembro

 

Xornada de Benestar Emocional na Adolescencia

 Boas tardes familias!!

A Xunta organiza unha xornada de formación para familias sobre benestar emocional na adolescencia, baixo o título A familia como base do crecemento persoal e emocional, a actividade abordará aspectos como o establecemento de límites para os rapaces ou o uso responsable das novas tecnoloxías. A sesión terá lugar no Centro Integrado de FP Politécnico de Santiago e a inscrición, aberta a calquera persoa interesada, pode facerse de balde no Portal Educativo ata esgotar as prazas.

A xornada, comezará ás 10,00 horas do sábado 29 de novembro, contará coa participación de tres expertos na materia como Alexandre García Caballero, doutor en Psiquiatría e especialista no Complexo Hospitalario Universitario de Ourense (CHUO), que abrirá a formación co relatorio Axudando a crecer cando cambian os marcos ás 10,30 horas, ou Selva Orejón, consultora en ciberseguridade e identidade dixital e perito xudicial, directora executiva de OnBranding, que será responsable da charla Como ensinar ás túas fillas e fillos a usar a tecnoloxía de forma segura e responsable ás 11,30 horas. O programa péchase con Amor e límites para axudar ao teu adolescente ás 12,30 horas a cargo de María Velasco Ghisleri, especialista en Psicoterapia Integradora e Psicoterapia do Neno e do Adolescente.

A xornada celébrase no marco das melloras que a Consellería de Educación, Ciencia, Universidades e Formación Profesional está a realizar no modelo de ensino híbrido de Galicia, que inclúe accións formativas dirixidas ás familias coa finalidade de reforzar o seu coñecemento dixital e axudalas no labor de acompañamento aos seus fillos.

A actividade forma parte tamén da Estratexia galega de convivencia escolar 2025 e súmase a outras accións como o novo programa Menores conectados: educación dixital en ciberseguridade e privacidade que vén de poñer en marcha o Goberno galego.

Máis información: A Xunta organiza unha xornada de formación para familias sobre benestar emocional na adolescencia | Consellería de Educación, Ciencia, Universidades e Formación Profesional

Competencias Dixitais

Coa axuda de FAPACEL difundimos iniciativas que achegan oportunidades de formación ás familias do rural, especialmente en competencias dixitais, un ámbito clave para reducir a brecha existente entre territorios. Por iso compartimos esta nova proposta formativa, dirixida a diferentes perfís e pensada para facilitar o acceso a coñecementos útiles e actuais.

A información completa está dispoñible no arquivo adxunto e na páxina web: https://blogs.uned.es/fundacionuned/reto-rural/

Cada participante pode rexistrarse nun máximo de dous cursos por sesión. A inscrición para a terceira sesión xa está aberta.

Podes rexistrarte a través da seguinte ligazón: https://forms.office.com/e/fb0HDGzKpU?origin=lprLink

As persoas interesadas deben completar os seus datos persoais e achegar a documentación requirida, segundo o seu perfil:

Persoas desempregadas: Documento Nacional de Identidade (DNI), xustificante de domicilio, informe de traxectoria laboral e DARDE (documento de rexistro de demandante de emprego).

Persoas maiores de 65 anos, menores de 25 anos e mulleres: Documento Nacional de Identidade (DNI) e xustificante de domicilio.

#fapacel #anpasgalegas

Mulleres.

Obradoiro

 Guia en materia de Igualdade realizada por ANPAS GALEGAS

"Redes Sociais e Igualdade"

Día: 28 novembro ás 17.00h

Lugar: Rúa Estocolmo Nª8 baixo, Santiago de Compostela (Sede ANPAS GALEGAS)

LIGAZÓN PARA INSCRIBIRSE:  https://forms.gle/Wu4NYywYcySKuoeM6 

Obradoiro Emocionate con nós

Bo día familias!! 

O venres 21 os nenos de 1º a 4º Ed. Primaria, terán un obradoiro sobre emocións, como recoñecelas e xestionalas, recursos; empatía, como poñela en práctica; resolución de conflitos, dinámicas para aprender as bases para resolvelos de forma asertiva, entre outras actividades interactivas. 

Horario: de 12.30 a 14.00h

Levado a cabo gracias a FAPACEL.

Impartido por ASOC. Guillen Veiga Iglesias

 

Resumo Actividades Igualdade

 Boas tardes familias!

Rematadas as actividades promovidas pola Consellería de Igualdade, impartidas dende Coeduca, deixamos un vídeo resumo do ben que o pasaron. 

Ver vídeo: https://drive.google.com/file/d/1yahF2c0LpT9cvAnD9IqP9rcTYOr99bxK/view?usp=drive_link 

Recordade que hai fotos subidas a páxina web do centro tamén, deixovos o enlace: Inicio - Ceip Xosé Luis Taboada

Deixovos o resumo das actividades realizas que xa vos enviara. 

O noso agradecemento para Pilar, Lorena, Sara e Beatriz!!

Menú Novembro

 

FORMACIÓN REDES SOCIAIS E IGUALDADE

Dende a Confederación de ANPAS GALEGAS organizan unha formación en liña "Redes Sociais e Igualdade", formación relacionada coa guía de igualdade deste ano 2025 que podes consultar no seguinte enlace:     https://www.anpasgalegas.gal/guias-de-igualdade/

A formación correrá a cargo de "Igualadas consultoría e formación" e terá unha duración de 3 horas. Para conectarse á formación enviaremos o enlace por correo electrónico o día anterior.

DÍA: 13 de novembro

HORA: 17:30-20:30

Esta actividade é posible grazas ás "Axudas económicas ás ANPA destinadas á promoción da igualdade entre homes e mulleres e a prevención e loita contra a violencia cara as mulleres" da Xunta de Galicia.

Enlace para inscrición: https://forms.gle/Zy6y332FfE3UCozW8

     

Charla Psicoloxía educativa nos centros escolares

Os días 21 e 22 de novembro vaise celebrar o curso “A psicoloxía educativa nos centros escolares: estratexias de intervención con familias, docentes e equipos interdisciplinarios. A escola que escoita”, organizado pola Sección de Psicoloxía Educativa do Colexio Oficial de Psicoloxía de Galicia.

 

Celebrarase en modalidade presencial, no salón de actos do COPG e, en modalidade online, a través da plataforma de teleformación Moodle e Zoom.

 

O curso ten como obxectivos:

• Comprender desde a práctica os fundamentos da escola inclusiva e o papel do/a psicólogo/a educativo/a neste marco.
• Analizar as relacións e os entrecruzamentos entre psicoloxía e pedagoxía.
• Reflexionar criticamente sobre o uso do DSM-5 no ámbito escolar.
• Revisar de maneira crítica as achegas da psicoloxía das emocións para comprender a aprendizaxe e os vínculos na escola.
• Visibilizar o impacto da saúde mental na comunidade educativa: malestar de educadores/as, alumnado e familias.
• Fortalecer estratexias de traballo con familias, docentes e equipos interdisciplinarios.
• Favorecer a construción dun rol activo, crítico e humanista do/a psicólogo/a escolar.

 

Si é do teu interese asistir, é necesario enviar o boletín cuberto ao enderezo electrónico copgalicia@copgalicia.gal ata o 11 de novembro, ou ben realizar a inscrición a través da sede electrónica do COPG.

Deixamos o enlace do programa:  https://drive.google.com/file/d/1MBHVa5HNaWcqENC4KYwGOwE0Ge797TkT/view?usp=sharing

e do boletín: https://drive.google.com/file/d/1Ta-bpVTI-W8dzB0iDFSndk5VJA2JaGiv/view?usp=sharing

ENCONTRO INTERPROVINCIAL DO NORTE

Este ano celebra-se o “ENCONTRO INTERPROVINCIAL DO NORTE: o presente e o futuro da Enfermaría Escolar en España”.

Iste ten como obxetivo ofrecer un espazo de reflexión e actualización sobre a enfermaría escolar nacional, promovendo o intercambio de experiencias, fortalecendo as redes profesionais e o debate sobre os desfíos actuais e futuros da nosa profesión.

Adxuntamos o programa do mesmo:

• DATA: 12 de novembro
• LUGAR: Salón e Actos Hospital Universitario Lucus Augusti
• HORARIO: 16:00 a 20:00 horas
• INSCRICIÓN: ata o 07 de novembro a través do código QR impreso no programa que adxuntamos.

Enlace dossier:    https://drive.google.com/file/d/1uYaDymjJzCUsrbKN9-WCSjwI47QSPMgo/view?usp=drive_link

ComDix

Boas tardes familias!

Está aberto o prazo de inscrición para a obtención da certificación ComDix, nivel intermedio, certificación galega en competencias dixitais promovida pola Administración Galega. 

Prazo aberto dende o martes 14 ata o luns 27 de outubro ambos inclusive. 

O examen será o mércores 26 de novembro ás 10.00 (Carballedo)

                             venres 28 de novembro ás 10.00 (Chantada) 

Pódese anotar noutras localidades se é do voso interese. 

Deixo a páxina con máis información, e tamén onde poder anotarse.

É necesario rexistrarse con usuario na aula CeMit, están os pasos sinalados na páxina web. 

Tamén podedes facer un exame de proba na mesma dirección online ou facer a súa formación de balde.

Inscrición nas probas ComDix nivel Intermedio - edición de novembro/decembro 2025 | CeMIT

Calquer dúbida estamos a vosa disposición. 

Un saúdo. 

Excursión Milhulloa

Bos días!

Hoxe foi unha mañá especial, eu creo que os peques pasárono en grande. 

As monitoras, Carmela e Chusa, ensináronnos as instalacións, e explicáronnos como funciona a súa cooperativa. 

Os nenos fixeron dous talleres, un sensorial, no que desenvolveron os cinco sentidos, mentres tocaban, degustaban, escoitaban e cheiraban os distintos aromas das plantas. 

E outro, máis práctico, a elaboración dun dentífrico, seguiron paso a paso a elaboración para poder facer a súa pasta de dentes con aroma a menta. 

Os nenos levan para casa a súa pasta e un obsequio por parte da cooperativa. 

Esperamos que gozasen moito!!

Deixámosvos algunha foto 

Link de acceso ás fotos (podedes ver e descargar): 

 https://drive.google.com/drive/folders/1_ImUTtT12JO5ZpT2SZcxRA-PqL3ihygX?usp=drive_link

Actividades Igualdade

Boas tardes familias!!

Como xa vos informabamos na asemblea xeral de socios o pasado 6 de outubro. Os nenos levarán a cabo unha serie de actividades promovidas e financiadas pola Consellería de Igualdade. 

Estas actividades serán os días, luns 27, martes 28 e mércores 29 de outubro e o venres 7 de novembro. 

Desenvolveranse ao longo da mañá e farán distintos talleres como Publi-radio, baile coeducativo, teatro, cinema etc. 

A maiores tamén haberá unha charla para os pais e nais do centro, iste ano como novidade será online para facilitar a conciliación das familias. Terá lugar o día 21 de outubro ás 19.00h . O link de acceso á reunión é:  https://meet.google.com/zzf-zmid-kme 

Esperamos que as gocen moito e sexan do seu interese!!

Excursión

Bo día familias!!

Este mércores día 15 os cativos irán de excursión. 

Iremos a Milhulloa, en Palas de Rei. 

Milhulloa é unha pequena cooperativa galega que cultiva, transforma e comercializa plantas medicinais ecolóxicas dende hai máis de 20 anos. 

Alí os nenos e nenas visitarán as suas instalacións e levarán a cabo distintos obradoiros, entre os que destaca a elaboración artesán dun dentífrico. 

Deixamos a súa páxina web por se queredes votar un ollo, Milhulloa - Milhulloa

Saímos do centro ás 10.00h e voltaremos para comer no centro. 

 Desexamos que o desfruten moito!!

Formación Discapacidade COCEMFE-COGAMI

Dende COCEMFE-COGAMI convidanvos a participar en dúas accións formativas que se levarán a cabo proximamente e que están dirixidas a todas as persoas interesadas en mellorar a educación e o acompañamento de nenos/as e mozos/as.

Estas formacións están pensadas para ofrecer ferramentas prácticas, xerar reflexión e crear un espazo de intercambio entre todos os axentes educativos.

Compartímosvos un arquivo coa información máis detallada de cada acción formativa (contidos, datas e horarios).

Lembrámosvos:

👉 A participación é de balde.

👉 Para asistir, só é necesario inscribirse nas seguintes ligazóns (podedes facelo desde aquí ou desde o propio arquivo, como vos resulte máis cómodo):

🔗 Evento 20/10: https://www.cocemfecrm.es/CRM/servidor_html/formularios/educacion/ei_lugo/mixto_ei_lugo_Minclusivas.html

🔗 Evento 10/11: https://www.cocemfecrm.es/CRM/servidor_html/formularios/educacion/ei_lugo/mixto_ei_lugo_Ainclusion.html

Será un pracer contar coa vosa presenza. Cremos que o traballo conxunto entre familia, escola e comunidade é clave para construír unha educación máis inclusiva, consciente e enriquecedora.

Para calquera dúbida ou información adicional, non dubidedes en poñervos en contacto connosco. E, se coñecedes algunha persoa interesada en participar, tamén podedes difundir este correo.

Adxunto enlace do programa:  https://drive.google.com/file/d/1PPuZ3P8ena6zFHOzc2B9JxtUPhVIeM_i/view?usp=drive_link 

Menú Outubro

 

Charla Bule Bule

Dende a Asociación Bule Bule informan de unha actividades de especial interés para familias y profesorado. 

É unha charla dirixida por Javier Sepúlveda, mestre de Primaria, adulto con TDAH e divulgador en redes a través de "Cerebro Inquieto".

 TDAH: Claves para la mejora del día a día escolar y familiar
 Sábado 27 de septiembre, de 11:00h a 13:00h
 Museo Interactivo da Historia de Lugo (MIHL)

É unha oportunidade para coñecer estratexias e ferramentas útiles aplicables tanto na escola como na vida familiar, contribuíndo a unha mellor comprensión e acompañamento do alumnado con TDAH. 

A actividade é gratuita e aberta a todas as persoas interesadas (con prioridade para socios de Bule Bule).

Inscricións: https://tdahclaves.eventbrite.es

Actividade Formativa

 Bo día! 

Este próximo sábado, 20 de setembro de 9.00h a 14.00h, terá lugar unha charla formativa gratuíta

"Sexualidade na adolescencia" no Telecentro, en Chantada (Rúa Ribeira Sacra nº 2 Baixo) 

Inscripcións: anpaxoanderequeixo@gmail.com

Probas Celga

 A Xunta abriu o prazo dende este luns das solicitudes para ó acceso as probas de Celga 2, 3, e 4.

Realizaranse en Santiago de Compostela, en Ponferrada e en Madrid.

Prazo: dende o 15 de setembro ata o 3 de outubro.

Por se hai algunha familia interesada.

Enlace de acceso: Probas Celga 2, 3 e 4. Convocatoria - O Portal da Lingua Galega

Actividade Castro

 Este sábado día 20/09/2025 a asociación de Castro organiza unha actividade lúdica para os cativos. 

Horario: 12.00h a 21.00h 

Prezo: 20e ou 25e en taquilla ese mesmo día. 

Poderan participar tódalas idades, incluidos os de 0 a 3, con actividades específicas para eles. 

A tarde terán unha merenda. 

Enviose todo a información ós nenos. 

Información: 666 803 137

Menú Setembro

 Bo día!

Compartimosvos o menú do primeiro mes do curso. 

Bono Concilia

 O DOG publica a nova convocatoria do Bono Concilia Familia, que poderá solicitarse desde o vindeiro luns.

Un programa pensado para que os pais e as nais que traballan poidan atender as súas necesidades de conciliación de carácter puntual, por exemplo: por enfermidade ou cuestións laborais; ou durante os períodos de vacacións escolares. En 2024, este bono chegou a máis de 15.000 familias galegas. A Xunta de Galicia inviste máis de 2,5 M€ nesta nova convocatoria, que estará aberta ata o próximo 7 de outubro. Fai falta lembrar que o Bono Concilia Familia é unha achega económica directa destinada ás familias con fillos de ata 13 anos (nacidos entre o 1 de xaneiro de 2012 e o 31 de decembro de 2021) e nas que ambos os proxenitores traballan, co obxectivo de contribuír a sufragar os custos dos servizos de conciliación como coidadores, ludotecas ou campamentos. Concretamente, o Bono Concilia Familia ofrece achegas económicas de ata 500 euros para a contratación dunha persoa a domicilio ou de 200 euros por persoa para sufragar os custos de recursos e servizos específicos como as ludotecas, os campamentos ou os espazos de lecer e actividades para nenos. A axuda cobre un máximo do 75% do servizo abonado pola familia, pero, como novidade nesta edición, amplíase ao 100% do servizo no caso de familias numerosas, familias monoparentais, familias acolledoras, familias con garda con fins adoptivos, familias nas que un ou varios fillos ou fillas convivientes teñan unha discapacidade recoñecida igual ou superior ao 33% ou familias vítimas de violencia de xénero.

El DOG publica la nueva convocatoria del Bono Concilia Familia, que podrá solicitarse desde el próximo lunes para el pago de campamentos o cuidadores a domicilio - Xunta de Galicia

Xogade

 O inicio da tempada 2025/2026 de Xogade comeza hoxe día 4 de setembro. 

Adxuntase circular de inicio, Preguntas frecuentes e demais información no seguinte enlace: https://drive.google.com/drive/folders/1eW-HxSzwqIxycJFD97vNzgSKxA1Ikb3g?usp=drive_link

Tamén podedes consultar a súa páxina web: https://xogade.xunta.gal

Calquer dúbida estamos a vosa disposición.

Un saúdo.