Menu Xuño

 

Charla FGA

 O pasado mercores 27 os nenos do cole tiveron unha visita especial de dous pilotos para falarlles da Federación Galega de Automovilismo.

 

BECA NEAE 26/27

- Axudas destinadas para alumnado con necesidades específicas de apoio educativo.

- A alumnado con discapacidade, trastorno grave da conducta o da comunicación da linguaxe, trastorno do espectro autista e altas capacidades.

- Prazo de solicitude dende o 19 de maio ata o 10

de setembro de 2026.

Máis información en:

https://www.becaseducacion.gob.es/becas-y=

ayudas/ayudas-apoyo-educativo/tipos-de-becas.html#que-personas

- Destinadas para educación infantil, educación primaria,

ESO, bacharelato, FP, FP Básica, e outros para o alumnado con discapacidade, TEA e trastorna grave da conducta o da comunicación do linguaxe.

- No caso de AACC destinadas a educación primaria, ESO, Bacharelato, FP Medio e Superior e ensinanzas artísticas profesionais.

CARMINA BURANA 2026: CONVITE A PARTICIPAR NO CORO INFANTIL

 A Xove Orquestra de Lugo Terra Nova pon en marcha un proxecto moi especial: a creación dun coro infantil para participar na interpretación da obra Carmina Burana, unha das composicións máis impactantes e emocionantes da música clásica, na que participarán case todas as coráis da provincia de Lugo.

Este proxecto nace coa vontade de achegar a música aos máis novos, ofrecerlles unha experiencia artística única e facerlles sentir parte dun gran espectáculo colectivo.

Cantar nun coro non é só aprender música: é compartir, escoitar, emocionarse e medrar en grupo.

Nenos e nenas de entre 7 e 15 anos

Non é necesario ter formación musical previa

Non hai límite de prazas

Non hai proba de acceso

Lugar dos ensaios:

Cidade de Lugo (localización concreta por confi rmar e comunicarase con antelación).

Ensaios:

Domingo 14 de xuño

Mañá: 10:00 – 12:00

Tarde: 16:00 – 19:00

Non será necesaria a permanencia durante todas as horas de ensaio. Mirararanse os seus números no comezo de cada ensaio.

Ensaio xeral:

Sábado 27 de xuño ás 11:00 h

Concertos:

Sábado 27 e domingo 28 de xuño (pola tarde)

Praza de Santa María, Lugo

Incrición: https://docs.google.com/forms/d/e/1FAIpQLSecQqBjOTu0IXP4qNsR6-eTKTfBiKtFplOrFdKZM6VrYCSMww/viewform?usp=publish-editor

Máis iforación: https://drive.google.com/file/d/1_Ta3Wxm2w58RQzLTZxo9L0oQJ4evO4YJ/view?usp=drive_link

Charla "Educación, Discapacidade e inclusión."

Dende o programa de Educación inclusiva de COCEMFE /COGAMI organizan a seguinte acción formativa destinada á comunidade escolar (Pais/nais e profesionais da educación).

Ofrecen unha oportunidade para contactar, coñecer e formarse en materia de inclusión educativa. Datos da Acción formativa:

    

    TÍTULO DA FORMACIÓN: Educación, Discapacidade e inclusión.

    DATA E HORARIO: 26 de maio, de 16:00 a 17:30.

    CONTIDOS DA FORMACIÓN: 

• Discapacidade no ámbito educativo (Concepto, tipos, causas)
• Inclusión no ámbito educativo: DUA.
• Cuestión de dereitos.
• Ciclos obligatorios e inclusión no sistema educativo.
• Ciclos post obligatorios e inclusión no sistema educativo.

    

    PARTICIPA COMO PONENTE CONVIDADA ESPECIALISTA: Lara Crespo.

    PARTICIPA COMO TESTIMONIO DE EXPERIENCIA A COMPARTIR: Rocío Carrasco.

    

    DATA LÍMITE DE INSCRIPCIÓN: Luns 25 de maio.

    ENLACE PARA INSCRIBIRSE Á FORMACIÓN: https://www.cocemfecrm.es/CRM/servidor_html/formularios/educacion/ei_lugo/ei_lugo_00000b53-0294-f4a1-dd8e-69f9cd524bc2_varios_centros.html

Excursión Fin de Curso

 

Excursión de fin de curso: un día inesquecible

Hoxe celebramos a nosa esperada excursión de fin de curso, co alumando de 5º e 6º, unha xornada moi especial na que se puido gozar, convivir e compartir momentos únicos fóra da aula.

Dende o primeiro momento, a ilusión notábase nas súas caras. A saída estivo chea de risas, xogos, compañeirismo e moitas anécdotas que seguro lembrarán durante moito tempo. Para moitos nenos e nenas, esta excursión foi unha forma perfecta de despedir o curso, gozando xunto cos seus compañeiros e compañeiras dunha experiencia diferente e moi divertida.

Durante o día participaron en distintas actividades, descubriron novos espazos e, sobre todo, gozaron da compañía das súas amizades. Foi unha xornada na que non faltaron a emoción, a alegría nin o bo ambiente.

Queremos agradecer ao colexio a súa colaboración e apoio para facer posible esta excursión. Tamén queremos destacar o traballo do ANPA na organización da saída e agradecer ás persoas que acompañaron aos nenos e nenas durante a xornada, coidando de que todo saíse ben e de que puidesen gozar dun día seguro, divertido e inesquecible.

Sen dúbida, esta excursión de fin de curso foi unha experiencia marabillosa para pechar o ano escolar da mellor maneira posible. Seguro que volveron á casa cun gran sorriso e moitos recordos que contar!

CAMPING PAISAXE II- A IGREXA, O GROVE

Fotos: 

https://drive.google.com/drive/folders/1mydjEp8E-oU_OIngtHbMr3rkfb8LIZtm?usp=drive_link

CHARLA "MENORES CONECTADOS"

 

Menú Maio

 Bo día, familias:

Achegamos o menú correspondente ao mes de maio.

Aproveitamos tamén esta publicación para despedir con moito agarimo a M.ª Cruz, a nosa cociñeira do centro, que se xubila despois de máis de 40 anos traballando no colexio.

Desde a ANPA queremos agradecerlle todos estes anos de dedicación, coidado e compromiso coa comunidade educativa. Desexámoslle que desfrute moitísimo desta nova etapa que comeza.

Os pequenos e pequenas seguro que a van botar moito de menos!

Moitas grazas por todo, M.ª Cruz.

Normativa Comedor

Novas medidas para unha alimentación máis saudable e sostible nos centros educativos

A comezos deste mes de maio entra en aplicación no noso centro unha nova normativa que afecta á alimentación nos centros educativos: o Real Decreto 315/2025, do 15 de abril, polo que se establecen normas para fomentar unha alimentación saudable e sostible nos centros escolares.

Esta normativa desenvolve a Lei 17/2011, de seguridade alimentaria e nutrición, e ten como obxectivo mellorar a calidade dos menús escolares, promover hábitos de vida saudables desde a infancia e favorecer unha alimentación máis equilibrada, variada e respectuosa co medio ambiente.

O Real Decreto afecta aos centros educativos públicos, concertados e privados que imparten ensinanzas como Educación Infantil, segundo ciclo, Educación Primaria, Educación Especial, ESO, Bacharelato e ciclos formativos de grao básico e medio.

Entre as principais novidades, os menús escolares deberán incluír unha maior presenza de froitas, verduras, hortalizas, legumes, cereais preferentemente integrais e alimentos frescos e de tempada. Tamén se promoverá o consumo de produtos de proximidade e sostibles, así como técnicas culinarias máis saudables, como o forno, o vapor, o fervido ou a prancha.

A nova normativa establece tamén unhas frecuencias orientativas para garantir unha dieta máis equilibrada. Así, as legumes deberán ofrecerse unha ou dúas veces por semana, o peixe entre unha e tres veces, as ensaladas variadas de tres a catro veces e a froita fresca de catro a cinco veces por semana. Ademais, a auga será a bebida principal no comedor escolar.

Outra das medidas destacadas é a limitación dalgúns alimentos. As frituras só se poderán ofrecer como máximo unha vez por semana, mentres que os pratos precociñados, como pizzas, croquetas, canelóns, empanadillas ou rebozados, quedarán limitados a unha ración ao mes.

A norma tamén regula a oferta de alimentos e bebidas en cafeterías e máquinas expendedoras dos centros educativos, restrinxindo aqueles produtos cun alto contido en graxas saturadas, graxas trans, azucres ou sal. Ademais, non se permitirá a venda de produtos envasados con alto contido en cafeína nos espazos accesibles ao alumnado.

Outro aspecto importante é a atención á diversidade alimentaria. Os centros deberán dispoñer de menús especiais para o alumnado con alerxias, intolerancias ou outras necesidades acreditadas por motivos de saúde. Tamén se contemplan menús adaptados por motivos éticos ou relixiosos. As familias deberán recibir información clara e detallada sobre a planificación mensual dos menús, incluíndo ingredientes, técnicas de elaboración, guarnicións, salsas e alérxenos.

Desde a comunidade educativa valoramos positivamente todas aquelas medidas que contribúan ao benestar dos nenos e nenas. Unha alimentación adecuada non só favorece a saúde, senón tamén o desenvolvemento, a concentración e a aprendizaxe diaria.

Con esta nova normativa, os comedores escolares avanzan cara a un modelo máis saudable, sostible e educativo, no que a alimentación se converte tamén nunha ferramenta para aprender bos hábitos desde idades temperás.

Enlace BOE: Disposición 7659 del BOE núm. 92 de 2025

Xornada de Tecnificación

             

 

                X XORNADA DE TECNIFICACIÓN FUTBOLINLUGO

https://docs.google.com/forms/d/15qaLK6iqa30iNEZ7Oy9M2CKr0gnVF53VZ7ec-E8zAc0/edit?chromeless=1

Verán Activo

 

Modo Verán Activo: Actividades para a mocidade de 9 a 30 anos

Acción de Verán 2026

A Xunta de Galicia ofrece a posibilidade de que a xuventude galega empregue o seu tempo libre estival participando en actividades de educación non formal de carácter lúdico, cultural, deportivo, formativo, etc. Para iso, cada ano preséntase a Campaña de Verán, unha iniciativa ambiciosa que non só é unha actividade de ocio para os mozos e mozas galegos, senón que tamén é un recurso de conciliación da vida familiar e laboral.

Baixo o lema Modo verán activo, a Campaña de Verán de 2026 da Xunta de Galicia   oferta, durante os meses de xullo, agosto e setembro, as seguintes accións:

• Campamentos en Galicia.
• Minicampamentos “Coñece Galicia”, de 5 días de duración.
• Campos de voluntariado en Galicia, noutras comunidades autónomas e no estranxeiro.
• Programas de intercambios bilaterais con outras comunidades autónomas.
• Uso de instalacións xuvenís por parte de entidades e grupos de persoas mozas non asociadas.
• Actividades de ocio alternativo para maiores de 18 anos.

Serán, en total, 11.932 prazas destas actividades de verán programadas polo Goberno galego.

En aplicación do principio de transversalidade das políticas en materia de discapacidade e co obxectivo de que a inclusión social sexa unha realidade ao tempo que se favorece a interacción e a convivencia entre toda a mocidade, as mozas e mozos galegos con discapacidade poden decidir sobre a modalidade de participación á que desexan optar: polas prazas do procedemento xeral ou polas prazas reservadas para inclusión. Cómpre lembrar que tamén existe a posibilidade de optar pola convocatoria de campamentos específicos para persoas con discapacidade.

Máis información: Acción de verán | Dirección Xeral de Xuventude

DOG 69 do 15/4/2026 - ORDE do 30 de marzo de 2026 pola que se regula a oferta de prazas para actividades xuvenís dentro do programa Campaña de verán 2026 e se procede á súa convocatoria (código de procedemento BS303A).

Persoas destinatarias

Poderán participar mozos e mozas residentes en Galicia que cumpran os seguintes requisitos de idade:

• Ter, como mínimo, 9 anos (persoas nacidas no ano 2017).
• Non ter cumpridos os 18 anos antes da finalización do campamento.

Servizos incluídos nos campamentos

As persoas participantes disporán de:

• Programación de actividades recreativas, culturais e deportivas.
• Aloxamento en instalacións axeitadas (albergues, campamentos ou outros equipamentos).
• Pensión completa durante toda a estancia.
• Material necesario para o desenvolvemento das actividades.
• Persoal monitor especializado.
• Seguro de accidentes e cobertura de primeiros auxilios.

Período de realización

Os campamentos desenvolveranse durante os meses de xullo, agosto e setembro de 2026.

Procedemento de solicitude

A presentación de solicitudes deberá realizarse exclusivamente por vía electrónica, a través da sede electrónica da Xunta de Galicia.

Cada persoa solicitante poderá:

• Presentar unha única solicitude.
• Seleccionar ata un máximo de cinco campamentos, ordenados por preferencia

Prazo de presentación

O prazo de solicitude será de 10 días hábiles, contados a partir do día seguinte ao da publicación da convocatoria, iniciándose o 16 de abril de 2026.

Sistema de adxudicación de prazas

A adxudicación das prazas realizarase mediante un sorteo informático.

Así mesmo:

• Estableceranse listas de agarda.
• Terán prioridade as persoas que non participasen na edición do ano 2025.

Medidas de inclusión

Reservaranse prazas para persoas cun grao de discapacidade igual ou superior ao 33 %.

As persoas solicitantes poderán optar entre:

• O procedemento xeral.
• O procedemento específico de inclusión.

Cotas de participación

O importe da participación variará en función do tipo de campamento. A modo orientativo:

• Aproximadamente 148 €
• Aproximadamente 193 €
• Aproximadamente 284 € (no caso de intercambios fóra de Galicia)

Modalidades de campamentos

Contémplanse as seguintes tipoloxías:

• Campamentos dentro do territorio de Galicia.
• Minicampamentos baixo o programa “Coñece Galicia”.
• Intercambios con outras comunidades autónomas (por exemplo, co País Vasco).

Deducción Declaración Renta

Deducción por material escolar na declaración da renda en Galicia

Sabías que podes recuperar parte do gasto en libros e material escolar?

Na 𝐝𝐞𝐜𝐥𝐚𝐫𝐚𝐜𝐢ó𝐧 𝐝𝐚 𝐫𝐞𝐧𝐝𝐚, a Xunta de Galicia aplica unha 𝐝𝐞𝐝𝐮𝐜𝐢ó𝐧 𝐚𝐮𝐭𝐨𝐧ó𝐦𝐢𝐜𝐚:

Que podes deducir?

𝐎 𝟏𝟓% 𝐝𝐨𝐬 𝐠𝐚𝐬𝐭𝐨𝐬 𝐞𝐧 𝐥𝐢𝐛𝐫𝐨𝐬 𝐝𝐞 𝐭𝐞𝐱𝐭𝐨 𝐞 𝐦𝐚𝐭𝐞𝐫𝐢𝐚𝐥 𝐞𝐬𝐜𝐨𝐥𝐚𝐫

Ata un 𝐦á𝐱𝐢𝐦𝐨 aproximado de 𝟏𝟎𝟓 € 𝐩𝐨𝐫 𝐟𝐢𝐥𝐥𝐨/𝐚

Quen pode aplicala?

Familias con fillos en Primaria ou ESO

Con certos límites de renda

Con facturas a nome dun proxenitor

Que necesitas?

𝐅𝐚𝐜𝐭𝐮𝐫𝐚𝐬 dos gastos

**Este ano admitense os pagos en efectivo**

Importante:

Esta dedución 𝐧𝐨𝐧 𝐬𝐞 𝐚𝐩𝐥𝐢𝐜𝐚 𝐚𝐮𝐭𝐨𝐦𝐚𝐭𝐢𝐜𝐚𝐦𝐞𝐧𝐭𝐞 𝐧𝐚 𝐫𝐞𝐧𝐝𝐚, tes que marcala ao facer a declaración.

Menú Abril

 

Menú Marzo

 

Manifestación Ensino de Calidade

Horarios autobuses e máis información: Autobuses - CIG Ensino

Obradoiro: Hábitos de vida Saudables

 Boas tardes familias!! 

O día venres 20 de febreiro os nenos de 3º, 4º, 5º e 6º de Ed. Primaria terán unha charla sobre:

"Saúde Emocional e Hábitos de Vida Saudables na Escola"

Esta charla está promovida por FAPACEL, o seu obxectivo é promover o benestar emocional e os hábitos de vida saudables entre o mediante intervencións educativas, vai estar liderada por Martín González Folgueira, profesional de enfermería.

E con ela pretendese:

 - Favorecer a identificación e expresión adecuada das emocións.

 - Fomentar a autoestima, a empatía e as habilidades sociais.

 - Sensibilizar sobre a importancia do soño, a alimentación equilibrada, a  actividade física e o uso responsable das pantallas.

 - Previr condutas de risco desde idades temperás.

Semana de Entroido

 Boas tardes, mandamos o mandato do meco, que este ano ten como temática O mar.

Dará comezo o proximo luns 9 de febreiro, e remata o venres 13 co desfile dos nenos/as polas rúas do Concello. 

Esperemos que o tempo acompañe e que os cativos o desfruten moito!! 

Menú Febreiro

 

Xornadas Atención á Diversidade

Dende ANPAS Galegas participamos nestas xornadas para falar da atención á diversidade. 

Sábado 24 de xaneiro de 10.00h a 14.00h e de 16.00h a 20.00h

ALERTA METEOROLOXICA

 Suspensión de clases e transporte escolar na xornada de maña día 23/01/2026 por alerta laranxa. 

Enlace Xunta para máis información: Tablón de alertas meteorológicas | Política Social

Acta da comisión de alertas escolar do día de hoxe 22/01/26: acta-comision-alertas-escolares-22_xaneiro_2026_0.pdf

Protocolo: PROTOCOLO ALERTAS

Aberto Prazo Matrícula

 As familias galegas poderán solicitar praza escolar para o vindeiro curso entre o 1 e o 20 de marzo de 2026. Este prazo serve tanto para o alumnado que entra por primeira vez no sistema educativo como para aqueles que queiran cambiar de centro, sempre que haxa prazas dispoñibles. Antes diso, do 15 de xaneiro ao 4 de febreiro estará aberto o período de reserva de praza para o alumnado que remata etapa e pasa ao seu centro adscrito. As listaxes provisionais de admitidos publicarase o 24 de abril e as definitivas o 15 de maio, e a matrícula formalizarase entre o 20 e o 30 de xuño para Infantil e Primaria, e do 23 de xuño ao 7 de xullo para ESO e Bacharelato.

Máis información: Las familias gallegas podrán solicitar plaza escolar para sus hijos el próximo curso entre el 1 y el 20 de marzo - Xunta de Galicia

Boletín Cultural

 Boletín Cultural Lugo VENRES 16/01 A XOVES 22/01

https://drive.google.com/file/d/1JbsZ0g3Y5otmHVWZwDLts6pe9I2jmHdd/view?usp=drive_link

Guía "Mitos sobre a Igualdade"

Dende a Federación, en coordinación con ANPAS GALEGAS, queremos contarvos que ao longo do ano 2026 se vai elaborar a guía “Mitos sobre a Igualdade”, un recurso pensado para apoiar o traballo que xa realizades cos centros educativos e coas familias.

O obxectivo desta guía é identificar e desmontar algúns dos mitos máis estendidos sobre a igualdade de xénero, que adoitan aparecer nas conversas cotiás, nas redes sociais ou no ámbito educativo, e que ás veces dificultan avanzar cara a unha educación máis xusta e igualitaria.

Para que esta guía sexa realmente útil e conecte coa realidade dos centros, a participación das ANPAS e das familias que a compoñen é fundamental. Queremos que os contidos partan do que vós detectades no día a día.

Por iso, pedímosvos a vosa colaboración para que nos fagades chegar:

·         Frases, comentarios ou ideas sobre a igualdade de xénero que escoitades con frecuencia.

·         Mitos ou orenzas que consideredes importante aclarar ou traballar coas familias ou co alumnado.

Non é necesario elaborar textos longos: calquera achega, por pequena que pareza, é valiosa e axudaranos a construír unha guía próxima e representativa.

O formulario é o seguinte https://forms.gle/o1qyahhoxKHyzPak9. 

Non leva más de 5 minutos responder. O prazo para facer achegas remata o 14 de Febreiro.

Grazas polo voso tempo, pola vosa implicación e polo papel tan importante que desempeñades na promoción da igualdade nas nosas comunidades educativas.

Un saúdo agarimoso,

Charla sobre Convivencia Escolar

O venres día 23 de xaneiro terá lugar o última sesión das formacións impartidas por ANPAS GALEGAS, falarase sobre convivencia escolar, o cal parecenos importante para que se teña a maior información posible sobre o tema, nestes tempos nos que o acoso, bulling, etc están a orde do día. 

CONVIVENCIA ESCOLAR: ORGANIZACIÓN DA CONVIVENCIA NO CENTRO, FORMAS DE PARTICIPACIÓN, INFRACCIÓNS E CONSECUENCIAS DAS MESMAS

 Venres, 23 de xaneiro ás 18:00h

Enlace para inscrición na formación:  https://forms.gle/VgEhzSjfjHUrSTS79

Xornada acompañemento Altas Capacidades

O próximo sábado 21 de marzo de 2026, terá lugar unha nova xornada de acompañamento ás Altas Capacidades, con motivo do seu día internacional, no CPR San José de Lugo. Trátase do evento anual que realiza a Asociación Intelecto. 

O programa é o seguinte:

9:15 a 9:45 horas Acreditación de participantes

9:45 a 10:00 horas Presentación institucional do acto

10:00 a 11:45 horas Altas Capacidades do concepto á práctica: como acompañar dende as aulas e o papel da familia. Olalla Méndez Arias orientadora educativa e especialista en AACC no EOE de Lugo. 

11:45 a 12:15 horas Descanso-café

12:15 a 14:00 horas Dobremente invisibles, dobremente excepcionais: cando a alta capacidade non é visible aos ollos do mundo. María Sánchez Dauder psicopedagoga e especialista en altas capacidades. 

O evento ten un custe de 10 euros para non socios/as en concepto de colaboración coa Asociación.  

As prazas son limitadas, o prazo de inscrición remata o 14 de marzo ou cando se esgoten as prazas. Unha vez enviado o formulario, recibirás un email confirmando a túa praza. 

O enlace da inscrición é o seguinte: 

https://forms.gle/hDZvQduHpz7M2WU46

Menú Xaneiro 2026

 

Felices festas!!

Dende a ANPA do CEIP Xosé Luís Taboada queremos desexar a todas as familias un,

Bo Nadal e un próspero Ano Novo!!.

Que este tempo de celebracións sexa unha oportunidade para compartir, coidar as boas relacións e reforzar valores como o respecto, a convivencia e a colaboración, tan importantes na nosa comunidade educativa.

Desexamos que o 2026 veña cargadiño de momentos felices, de ilusións renovadas e de moitas cousas bonitas por descubrir, sempre camiñando xuntos polo ben das nosas nenas e nenos.

Grazas pola vosa colaboración e confianza ao longo do ano!

Vemonos no segundo trimestre coas pilas recargadas!

Un saúdo, 

A Directiva da ANPA.

Programa Nadal

Programa para este Nadal do Concello de Carballedo:

Este sábado día 20, ás 18.00h, nenos e nenas do cole farán unha representación de teatro, con un pouco de nerviosismo pero con moita ilusión, sobre o verdadeiro significado do Nadal. 

Agardamos que vos guste!!

Radio

Bo día familias!! 

 Compartímos o enlace da cuña de radio que elaboraron, gravaron e locutaron os cativos durante a actividade de Igualdade.

 Coeduca Radio Publicidade: 

https://drive.google.com/file/d/1jD6fAE_RJyKe6J-xmrQZLUKQriIEXZ-6/view?usp=drive_link

Torneo Xadrez

Compartimos o cartel do torneo de xadrez de Nadal dirixido a nenos e nenas, que terá lugar o domingo 14 de decembro a partir das 16 horas no soto da Praza de Abastos. Poden participar  de calquera etapa educativa.

Quen queira participar no torneo deberán realizar a inscrición. No caso de non estar federados/as nalgún equipo, pódese facer gratuítamente enviando DNI ao correo xaquedrum@gmail.com

Formulario de inscrición:  https://forms.gle/Duw6hwc45f37vsHR7

Campamento Dixital

 

Menú Decembro

 

Xornada de Benestar Emocional na Adolescencia

 Boas tardes familias!!

A Xunta organiza unha xornada de formación para familias sobre benestar emocional na adolescencia, baixo o título A familia como base do crecemento persoal e emocional, a actividade abordará aspectos como o establecemento de límites para os rapaces ou o uso responsable das novas tecnoloxías. A sesión terá lugar no Centro Integrado de FP Politécnico de Santiago e a inscrición, aberta a calquera persoa interesada, pode facerse de balde no Portal Educativo ata esgotar as prazas.

A xornada, comezará ás 10,00 horas do sábado 29 de novembro, contará coa participación de tres expertos na materia como Alexandre García Caballero, doutor en Psiquiatría e especialista no Complexo Hospitalario Universitario de Ourense (CHUO), que abrirá a formación co relatorio Axudando a crecer cando cambian os marcos ás 10,30 horas, ou Selva Orejón, consultora en ciberseguridade e identidade dixital e perito xudicial, directora executiva de OnBranding, que será responsable da charla Como ensinar ás túas fillas e fillos a usar a tecnoloxía de forma segura e responsable ás 11,30 horas. O programa péchase con Amor e límites para axudar ao teu adolescente ás 12,30 horas a cargo de María Velasco Ghisleri, especialista en Psicoterapia Integradora e Psicoterapia do Neno e do Adolescente.

A xornada celébrase no marco das melloras que a Consellería de Educación, Ciencia, Universidades e Formación Profesional está a realizar no modelo de ensino híbrido de Galicia, que inclúe accións formativas dirixidas ás familias coa finalidade de reforzar o seu coñecemento dixital e axudalas no labor de acompañamento aos seus fillos.

A actividade forma parte tamén da Estratexia galega de convivencia escolar 2025 e súmase a outras accións como o novo programa Menores conectados: educación dixital en ciberseguridade e privacidade que vén de poñer en marcha o Goberno galego.

Máis información: A Xunta organiza unha xornada de formación para familias sobre benestar emocional na adolescencia | Consellería de Educación, Ciencia, Universidades e Formación Profesional

Competencias Dixitais

Coa axuda de FAPACEL difundimos iniciativas que achegan oportunidades de formación ás familias do rural, especialmente en competencias dixitais, un ámbito clave para reducir a brecha existente entre territorios. Por iso compartimos esta nova proposta formativa, dirixida a diferentes perfís e pensada para facilitar o acceso a coñecementos útiles e actuais.

A información completa está dispoñible no arquivo adxunto e na páxina web: https://blogs.uned.es/fundacionuned/reto-rural/

Cada participante pode rexistrarse nun máximo de dous cursos por sesión. A inscrición para a terceira sesión xa está aberta.

Podes rexistrarte a través da seguinte ligazón: https://forms.office.com/e/fb0HDGzKpU?origin=lprLink

As persoas interesadas deben completar os seus datos persoais e achegar a documentación requirida, segundo o seu perfil:

Persoas desempregadas: Documento Nacional de Identidade (DNI), xustificante de domicilio, informe de traxectoria laboral e DARDE (documento de rexistro de demandante de emprego).

Persoas maiores de 65 anos, menores de 25 anos e mulleres: Documento Nacional de Identidade (DNI) e xustificante de domicilio.

#fapacel #anpasgalegas

Mulleres.